Skeealyn Vannin, Disk 2 Track 09: Conversation: Ned Maddrell, Glen Chass, Rushen and Tommy Leece, Kerrookeil, Malew
https://www.youtube.com/embed/rLEBp8R1_XADate(s): 1948
Creator(s): Irish Folklore Commission
Transcript: N. Maddrell
Cre’n eash va shiuish tra ren shiu goll er y cheayn?
What age were you when you did go on the sea?
T. Leece
Mysh shiaght-jeig
About seventeen.
N. Maddrell
Oh, va shiu stuggey ec y traa shen.
Oh, you were a ‘lumper’ at that time.
T. Leece
Oh, va.
Oh, yes.
N. Maddrell
Va mish ny..ec y ..ny s’leaie na shen. Va mish mysh kiare bleeantyn jeig tra hie mish.
I was …at the …sooner than that. I was about fourteen years [old] when I went.
T. Leece
Oh, ta.
Oh, yes.
N. Maddrell
Ren shin goll voish Purt le Moirrey gys boayl enmyssit Crookhaven, ayns Nerin, va shin eeastagh breck…agh va mee
We did go from Port St. Mary to a place called Crookhaven, in Ireland, we were fishing mackerel…….but I was
ching agglagh.
sick awful.
T. Leece
Va mish ching neesht.
I was sick too.
N. Maddrell
Ta. Va mish ching, agh va mee goaill foddeeaght va mee geddyn thie…goaill foddeeaght son my vummig. Va mee,
Yes. I was sick, but I was longing I was to get home……………longing for my mummy. I was
va driss orrym dy gheddyn ersooyl, as va driss orrym dy gheddyn back reesht neesht.
there was haste on me to get away and haste on me to get back again too.
T. Leece
S’lickly dy row.
Likely there was.
N. Maddrell
Va. Well, ren mee cheet, ren mee cheet thie as fuirraghtyn blein roish hie mee gys y cheayn reesht, as neayrys shen ta mee
Yes. Well, I did go, I did go home and waited a year before I went to the sea again, and since then I have
er ve er y cheayn bunnys ooilley y traa…..ec y eeastagh, as lurg shen ayns ny baatyn mooar shiaulley as ny steam ayns..ayns
been on the sea nearly all the time….at the fishing, and after that in the big sailing boats and the ‘steam’ in…in
ny baatyn bree. Row shiuish rieau eeastagh skeddan?
the steam boats. Were you ever fishing herring?
T. Leece
Oh, va.
Oh, yes.
N. Maddrell
Mygeayrt yn Ellan aynshoh?
Around the Island here?
T. Leece
Va
Yes.
N. Maddrell
Row shiu rieau goll dys Howth?
Were you ever going to Howth?
T. Leece
Va mee aynshen un blein.
I was there one year.
N. Maddrell
Nee? Cha row mish dy bragh ayns Howth. Ta mee er ve ayns Balbriggan.. as Skerries.. as Clogher - Clogher Head.
Were (you)? I was never in Howth. I have been in Balbriggan…and Skerries…and Clogher - Clogher Head.
T. Leece
Va mish aynshen neesht.
I was there too.
N. Maddrell
Row?
Were (you)?
T. Leece
Va.
Yes.
N. Maddrell
Va mee….ta mee er ve ec Shetland eeastagh skeddan.
I was….. I have been at Shetland fishing herring.
T. Leece
Va mish ayns Shetland neesht as va mee…va shin….
I was in Shetland too and I was….we were…
N. Maddrell
Cha row monney goll as ren mee faagail eh as goll ayns y, goll shiaulley. Va shin geddyn…va shin geddyn red ennagh
There wasn’t much going and I did leave it and go in the, go sailing. We were getting…we were getting something
son…son yn obbyr…tra va shin shiaulley. Cha row shin geddyn veg ec y eeastagh.
For…for the work…when we were sailing. We were not getting anything at the fishing.
Nee shen ren cur shiuish voish yn eeastagh?
Was it that (which) did put you from the fishing?
T. Leece
She. Va mee g…ren mee goll dys yn mine dys Forsdal dy gobbragh.
Yes. I was …..I did go to the mine to Foxdale to work.
N. Maddrell
Oh, nee? Va shen as ….ren shiu goll dy g’obbragh er y thalloo lurg shen? Ren shiu goll dy ve eirinagh?
Oh, did you? That was and…did you go to work on the land after that? Did you go to be a farmer?
T. Leece
Ren mee gobbragh fo yn thalloo!
I did work under the land!
N. Maddrell
She. But lurg shen ren shiu goll dy g’obbragh er y thalloo?
Yes. But after that did you go to work on the land?
T. Leece
Lurg shen. She.
After that. Yes.
N. Maddrell
Va shiu eirinagh eisht.
You were a farmer then.
T. Leece
Va.
Yes.
(Transcribed and translated by Fiona McArdle, Kirk Michael)
Language: Manx
Collection: Sound Archive
Level: WHOLE
ID number: SA 0579/2/9